Hindi Story or Kahaniya

Best Tenali Rama Hindi Story | 5 Short Kahaniya

Hindi Story Kahaniya Latest updates

Best Hindi Story of Tenali Rama – Dosto baat jab hindi kahnaiyo ki ho toh Tenali rama ki kahaniya bht mashoor hai. Tenali rama ki chatur chalaki ke kise hum sabhi ne sune honge. Tenali rama ki Hindi Story or Hindi short Story bacha bhuddha jawan sabhi pasand krte hai. Sabko Tenali Rama ki story pasand aa jati hai. Toh dosto mene neeche kuch Tenali rama ki Masoor Kahaniya likhi hai aasha krta hu aapko un kahaniyo ko pad kr maza aayega.

Best Hindi Story or Kahaniya – Tenali Rama ki Kahaniya

1.Tenali rama ne chor pakda – Hindi Story

Ek baar ki baat hai vijaynagar raajy mein bahut chori hone lagi. Logo ke ghar se din dahaade kimati saamaan gaayab hone lage. log is baat se bahut dar gaye aur pareshan ho kar raaja krshnadev raay ke darabaar mein pahunche. Yeh jaan kar raja ko bahut gussa aaya aur turant apne sainiko ko choron ko pakadne ka aadesh diya. Jagah-jagah raajay mein sainiko ko tainaat kiya gya par tab bhi chor chori karne mein kaamyaab hone lage te.

Tab raaja ne apne chatur vidooshak Tenali rama ko es mushkil ka hal nikalane ke liye kaha aur saath hi raja ne sainiko ki ek tukadi bhi tenali ke saath bhejne ke liye aadesh diya. Lekin tenali ne raja se kaha ki unhe kisi bhi sena ki aavashyakata nahi hai aur woh khud hi choro ko ek hafte ke andar pakad lenge.

Tenali rama Hindi Story or Kahaniya

Best Hindi Story or Short Story Website

Tenali rama ki baat sun kar darabaar ke sabhi log hansne lage aur sochane lage jin choron ko raajy ki sena milkar nahi pakad pa rahi hai use tenali akele kaise pakadega. Agale din subah raajy ke kuch log baat kar rahe the ki raajy ke sabse bade seth lakshmi chand ko ek naya mantar pata chala hai jisake mutaabik tizoree khol kar sone se bhi koi chor chori nahin kar sakta. Yeh baat jab choron ke kaan mein lagi to wo khush hue.

Use raat wo sare chor seth lakshmi chand ke ghar pahunche, unhonne dekha ki tijoree khula hua hai to wo bahut khush huyye aur unhonne andhere mein chupake se sabhi paise aur kimati saman ko chora liya.

Agale din subah darabaar mein jab yah baat pahunchi to raaja seth par krodhit hue aur bole jab tum jante the ki raajy mein chori ho rahi hai to tumhe tizori khula rakhne ki kya aavashyakata thi? tabhi sabha mein tenali rama pahunche unke piche do logon ko bandh kar rakha gaya tha. Raja ne pucha ye kaun hain? tab tenali ne bataya ye wo chor hain jo kuch dino se raajy mein chori kar rahe hain.

Raaja ne tenali rama se pucha ki tumane enhe kese pkda? tab tenali ne bataya – kal maine hi seth lakshmi chand ki tijori khula rakhne ke liye kaha tha aur pure raajy mein apne kuchh logon ke dwara is baat ko fhela diya. Seth ke kamare mein maine sabhi jagah jameen par kaala rang bichha diya tha.

Raat ko jab chor chorI karne ke liye gaye to kaala rang unke pairo mein lag gaya. Jab pairo ke nishan ki madad se hamane unka picha kiya to pata chala ki un chori ko hamare raajy ke puraane mantree chori karwa rahe the. Es prakar hamane choron ko aur us purane mantri ko pakad liya. Raaja bahut khush huye aur unhone tenali rama ka dhanyavaad kiya aur inaam bhi diya.

Dosto apne dekha es Hindi Story me Tenali Rama ne kese apne chaturayi se chor ko pakad liya. Tenali rama ki chalaki ka koi jawab hi nhi hai. Agali Hindi short story or kahani bhi zrur pade.

Honest Tenali – Best Hindi Short Story

Tenali rama apne dimaag ke bal par baar-baar apne raajy ke logo ki madad karte the. Darabaar ke jyaadatar log tenali rama se esliye jalte the aur hamesha raja ko tenali ke khilaaf bhadakate rahte the. Waise to raja tenali par poora vishvaash karte the par bahut din tak baar-baar tenali ke khilaaf bhadakane ke karan raja ko bhi kuch shak sa ho gaya.

Agale din jab subah darabaar ka kaary shuru hua to raja ne tenali rama se kaha – tenali rama main tumhari bahut shikaayat sun raha hoon ki tum raajy ke logo ko thag rahe ho aur unse paise loot rahe ho.

Tenali rama ne raja ko utar dete hue pucha – kya aapko unke is baat par vishvaas hai. Raaja ne utar diya – haan, agar tum begunaah ho to sabit karo. tenali ko yah sun kar bahut dukh hua aur woh bina kuch kahe hi vahan se nikal gaya.

tenali rama Hindi story

Agale din ek sainik raja ke lie ek sandhesa lekar aaya. Us sandesh tenali ka tha jis me likha hua tha – pranaam maharaaj, maine kayi saalo tak imaanadari se aapke raajy mein kaam kiya hai par aaj mujh par jhutha aarop lagya gaya hai aur mere begunaahi saabit karne ka ek hi rasta tha main apani jaan le loon.

Raaja yeh jaan kar chintit ho gaye aur chillane lage wapas aa jao tenali yeh saabit karne ka sahi tarika nahi hai. TabhI darabaar me baithe ek ke baad ek mantri aur log tenali ki taarif karne lage aur uske gun gaane lage. Tenali vahi bhes badalakar chup kar sab kuch dekh raha tha. Tabhi tenali apne asali bhes me aage aaye.

Tenali ko dekh kar raja khush huye. Tab tenali ne raaja se kaha – mahaaraaj es darabaar mein baithe sabhi logo ne mere vishay me acha hi kaha, kya is koi acha rasta hai yeh batane ke liye ki main imaanadaar hoon. Raaja ne tenali se maafi mangi aur apni galati mani.

Es kahani bhi apko pakka pasand aayi hogi. Es kahani me bhi Tenali rama ne apka dil jeet liya hoga apne chaturai se. Teanali Rama ki Kahaniya ka koi jawab hi nhi hai. Tenali rama ki Hindi story sabse best hoti hai.

Sethji – Hindi Tenali Rama ki Kahaniya

tenali rama hindi story short

Sardi ka mausam tha. Tenali rama shaam ke samay rajamahal se wapas laut rahe the. Tabhi unke samane ek bhikhari najar aaya. Tenali rama ne jeb se ek chandi ka sikka nikal kar bhikhaari ke haath par rakha.

Parantu bhikhaari use lene se inakaar karte hue bola, shriman! mujhe bheekh nahin chahiye. main janata hoon, aap rajadarabar ke logo mein se ek hain. meri ek samasya hain. main apse sirf uska samadhaan chahata hoon.

“oh! batao bhai tumhari kya samasya hai?” tenali rama ne bhikhari se pucha.  kuch hichakate hue bhikhari bola, “main janata hoon ki main ek gareeb bhikhari hoon, par mere dili ichchha hai ki log mujhe seth ji keh kar pukaare. durbhaagya vash, mujhe koi tarika nahi soojh raha ki log mujhe sethaji kahkar bulaye.”

tenali rama kuch der sochata raha, phir bola, “mere paas tumhare samasya ka samaadhaan hai. dekhna jaldi hi log tumhe setha ji kaha kar bulayenge. bas main jaisa kahu, waisa hi karte jaana. tum is jagah se kuch door khade ho jao aur jab bhi tumhe koi setha ji keh kar pukaare, uske pichhe aise daudna jaise use maarne aa rahe ho.” tenali rama ne us bhikhaari ko samajhaaya aur waha se chala gaya.

Bhikhaari us jagah se kuch door jakar khada ho gaya. is beech tenali rama ne kuchh shaitaan bacho ko pass bulaaya aur bhikhaari ki or ishaara karte hue bola, bacho, vo aadami dekh rahe ho, jo vahaan khada hai. use setha ji keh kar pukaarne se woh bahut chidhata hai.

Bacho ko aisi baat pata chalate hi shaitaani soojhi. jaldi hee sabhi bache us bhikhari ke aas-pass khade hokar jor-jor se seth ji…. seth ji chillaane lage. Tenali rama ke bataye anusaar woh bhikhari un bacho ke piche yoon bhaga maano unhe maarane aa raha ho. bacho i dekha dekhi or log bhi bhikhari ko setha ji keh kar bulane lage.

Jitana hI bhikharI sabke piche bhagata, utana hi we log use chidhane ke liye setha ji kahate hue uske piche bhagte. kayi dino tak aise hi chalata raha. En sabaka nateeja yeh hua ki woh bhikhari pure raajay mein seth ji ke naam se mashoor ho gaya.

Apko ye tesari Tenali Rama ki kahani bhi pasand zarur aayegi esme bhi tenali rama ne apni chaturayi ka pura estemal kiya or bikhari ki iccha bhi puri Karwa di.

Aasha krta hu apko ye sabhi kahaniya bht pasand aayi hongi or ap sabhi ne en Hindi story ko pdte huye enjoy bhi kiya hoga. Me esi hi apko or bhi Tenali rama ke kisse zrur updates karunga. Jinhe pad kar apka dil khush ho jaaye.

Akbar birbal Ki kahaniya ke liye yha Click kare

 

2 thoughts on “Best Tenali Rama Hindi Story | 5 Short Kahaniya

Leave a Reply

Your email address will not be published. Required fields are marked *